सनराईज बैंकले गर्यो पुर्नकर्जाका लागि ऋणीहरुलाई आवेदन दिन आग्रह, कहिलेसम्म आवेदन दिन पाईन्छ ?

 Sunrise Bank
  • बैंकिङ संसार
काठमाडौं । सनराईज बैंकले पुर्नकर्जाका लागि ऋणीहरुलाई आवेदन दिन आग्रह गरेको छ । बैंकले पुर्नकर्जा कार्यविधिअनुसार सुविधा प्राप्त गर्न योग्य ऋणीहरुलाई आवेदन दिन आग्रह गरेको हो । ऋणीहरुले आवेदन दिनको लागि सम्बन्धित शाखा कार्यालयमा सम्पर्क गर्नुपर्ने आग्रह पनि बैंकले गरेको छ । 

बैंकले एक सूचना जारी गर्दै नेपाल राष्ट्र बैंकको ‘नेपाल राष्ट्र बैंक पुनरकर्जा कार्यविधी, २०७७’ मा भएको व्यवस्था बमोजिम पुनरकर्जा सुविधा प्राप्त गर्न ऋणीहरुलाई आवेदन दिन आग्रह गरेको हो । 

ग्राहकहरुले नजिकै रहेको बैंकको शाखाबाट आवश्यक कागजातहरुसहित आवेदन भर्न सक्नेछन् । उक्त आवेदन भने ग्राहकहरुले आउँदो आश्विन ७ गतेसम्म मात्र दिन पाउनेछन् । प्राप्त निवेदनका आधारमा ऋणीहरुलाई पुर्नकर्जा उपलब्ध गराउन नेपाल राष्ट्र बैंकसंग अनुरोध गरिने पनि बैंकले जनाएको छ ।

प्रतिकृया दिनुहोस्