प्रभु बैंकका ७ एक्स्टेन्सन काउण्टरले भन्सार कार्यालयमा निरन्तर सेवा दिने

Prabhu Bank
  • बैंकिङ संसार
काठमाडौं । प्रभु बैंकले भन्सार कार्यालयमा निरन्तर सेवा दिने भएको छ । बैंकको ७ ओटा एक्स्टेन्सन काउण्टरले भन्सार कार्यालयमा निरन्तर सेवा दिने भएको हो । नेपाल भारत सिमाका भन्सार कार्यालयहरुमा रहेका प्रभु बैंकका एक्स्टेन्सन काउण्टरहरुले थप समयावधिका लागि निरन्तर रुपमा बैंकिङ सेवा दिने भएका हुन् । नेपाल सरकार अर्थ मन्त्रालय भन्सार विभाग, त्रिपुरेश्वर, काठमाडौं र प्रभु बैंकको समन्वयमा नेपाल भारत सीमाका बैंकको एक्स्टेन्सन काउण्टरहरु सेवा दिने भएका हुन् ।

सो सम्बन्धी नविकरण सम्झौतामा नेपाल सरकार, अर्थ मन्त्रालय भन्सार विभाग, त्रिपुरेश्वर, काठमाण्डौका तर्फबाट महानिर्देशक सुमन दहाल र प्रभु बैंकका तर्फबाट प्रमुख कार्यकारी अधिकृत अशोक शेरचनले मंसिर १७ गतेका दिन हस्ताक्षर गरेका हुन् । यससँगै भद्रपुर भन्सार कार्यालय झापा, सुनसरी भन्सार कार्यालय सुनसरी, ठाडी भन्सार कार्यालय सिरहा, जलेश्वर भन्सार कार्यालय महोत्तरी, महेशपुर भन्सार कार्यालय नवलपरासी, सुठौली भन्सार कार्यालय कपिलवस्तु र सति भन्सार कार्यालय कैलालीमा सरकारी राजश्व/भन्सार संकलनका लागि सञ्चालनमा रहेका काउण्टरहरुले उक्त सेवा दिने छन् ।

नेपालको सबैभन्दा ठूलो व्यापारिक साझेदारको रुपमा रहेको छिमेकी राष्ट्र भारतसँगको सिमानामा सञ्चालनमा रहेका प्रभु बैंकका एक्स्टेन्सन काउण्टरहरुको सेवाबाट सम्बन्धित भन्सार कार्यालयहरुको स्तरोन्नतीसँगै उक्त क्षेत्रमा आयात निर्यातको क्रियाकलापहरुमा बढोत्तरी हुन गई राजश्व संकलनको आंकाडामा वृद्धि हुन जाने तथा स्थानीय सेवाग्राही तथा संघ संस्थाहरुले प्रभु बैंकको गुणस्तरीय बैंकिङ सेवा उपभोग गरी लाभान्वित हुने विश्वास बैंकले लिएको छ । साथै नेपाल सरकारको राजश्व संकलन प्रक्रियामा छिटो छरितो हुन गई सहजीकरण हुने विश्वास पनि बैंकले लिएको छ ।

प्रतिकृया दिनुहोस्