नेपाल राष्ट्र बैंकले १० अर्ब २५ करोड रूपैयाँ बराबरको ट्रेजरी बिल बिक्री गर्ने
- बैंकिङ संसार
काठमाडौं । नेपाल राष्ट्र बैंकले १० अर्ब २५ करोड रूपैयाँ बराबरको ट्रेजरी बिल बिक्री गर्ने भएको छ । बैंकले ९१ दिनको अवधिको लागि ८ अर्ब रूपैयाँ बराबरको ट्रेजरी बिल बिक्री गर्न लागेको हो । उक्त ट्रेजरी बिल २०७८ साल असार २९ गते परिपक्क हुनेछ ।
त्यस्तैगरी बैंकले १८२ दिनको अवधिको लागि २ अर्ब २५ करोड रूपैयाँ बराबरको ट्रेजरी बिल बिक्री गर्न लागेको हो । उक्त ट्रेजरी बिल भने २०७८ साल असोज २६ गते परिपक्क हुने बैंकले जनाएको छ । राष्ट्र बैंकका अनुसार यो ट्रेजरी बिल चैत्र ३० गते सोमबार दिउँसो ३ बजे बोलकबोल भएर चैत्र ३१ गते बिक्री हुने जनाएको छ ।